सिनियर नेपाली टोली यसअघि सन् १९९९ मा काठमाडौंमै सम्पन्न आठौँ दक्षिण एसियाली खेलकुद प्रतियोगितामा फाइनलमा पुगेको थियो। त्यतिवेला नेपाल बंगलादेशसँग १-० ले पराजित भयो। त्यसपछि नेपाल कुनै अन्तर्राष्ट्रिय प्रतियोगिताको फाइनलमा पुगेको थिएन।
उपाधि जिते दुई लाख
राष्ट्रिय खेलकुद परिषद्का सदस्यसचिव केशवकुमार विष्टले नेपाली टोलीले उपाधि जिते प्रत्येक खेलाडीलाई जनही दुई लाख दिने घोषणा गरेका छन्। नेपाल उपविजेता बने पनि खेलाडीलाई आर्थिकसहित भव्य सम्मान गर्ने उनले बताए। ‘नेपाली खेलाडीले उपाधि जिते, प्रत्येकलाई दुई लाख जनही पुरस्कार दिने व्यवस्था गछौँ,’ उनले भने, ‘फाइनल नतिजा जस्तो आए पनि हामी युवा खेलाडीको भव्य स्वागत र सम्मान कार्यक्रम आयोजना गछौँ।’
१७ वर्षपछि माल्दिभ्समाथि जित
बंगबन्धु गोल्डकपमा नेपालले माल्दिभ्सको यू–२३ टोलीविरुद्ध ४–१ को जित निकाल्यो । यो माल्दिभ्समाथि १७ वर्षपछिको जित हो । सन् १९९९ को आठौँ साफ खेलकुदमा सेमिफाइनलमा नेपालले माल्दिभ्सलाई हराएको थियो । नेपालले माल्दिभ्सलाई हराउँदा फुटबलर बालगोपाल महर्जन र उपेन्द्रमान सिंहले खेलेका थिए । यसपटक महर्जन र सिंह प्रशिक्षक छन् ।
अहिलेसहित चारपटक फाइनलमा
फुटबलमा नेपालको लामो इतिहास छ । तर, अन्तर्राष्ट्रिय प्रतियोगितामा चारपटक मात्र फाइनलमा प्रवेश गरेको छ । सन् १९८३ मा काठमाडौंमै सम्पन्न पहिलो दक्षिण एसियाली खेलकुद ९साफ०मा फाइनलमा पुगेर नेपालले भारतलाई हराएर स्वर्ण जितेको थियो । १९९३ मा बंगलादेशको ढाकामा सम्पन्न छैटौँ साफमा पनि नेपालले टाइब्रेकरमा भारतलाई स्तब्ध पार्दै स्वर्ण जित्यो । सन् १९९९ को आठौँ साफको फुटबलमा फाइनलमा पुगेको नेपाल बंगलादेशसँग १–० ले पराजित भयो । बंगबन्धु गोल्डकपको फाइनल नेपालको चौथो फाइनल यात्रा हो ।
0 comments:
Post a Comment