राजेन्द्र महतो अचानक ओच्छ्यान परे, लहानमा उपचार हुँदै

सिरहा । नेपाल सद्भावना पार्टीका अध्यक्ष राजेन्द्र महतो अचानक बिरामी परेका छन् । बुधबार कार्यकर्ताहरुसँग छलफल गरिरहेको बेला उनको अचानक रक्तचाप बढेपछि उनी ओच्छ्यान परेको सद्भावनाका महासचिव मनिष सुमनले जानकारी दिए ।सुमनका अनुसार महतोलाई पुरानै समस्या मधुमेह, उच्च रक्तचाप र रिंगटा लाग्ने समस्या दोहोरिएको छ । हालको उनको लहानमा नै उपचार हुँदैछ ।

पुस ११ गते जोगवनी नाका थुन्ने क्रममा प्रहरीसँगको झडपमा घाइते भएका महतो दिल्लमिा दुई साता लामो उपचार गरेर फर्केका थिए । पुस १७ गते दिल्ली गएका उनी ३ माघमा काठमाडौं आएका थिए । -